Biznesi komenton emërimin e Shalsit – Shkodra: Çfarë presim nga ministri ri. Jaka: Emri s’ka rëndësi, duhet strukturë tjetër
Përmirësimi i klimës së biznesit, hartimi i një pakete fiskale të konsultuar me grupet e interesit apo konsolidimi i iniciativës për produktet ‘Made in Albania’ janë disa nga pikat që biznesi i konsideron si sfidë për ministrin e ri për Mbrojtjen e Sipërmarrjes. Pas emërimit të Eduard Shalsit, prodhuesit shqiptarë thonë se vëmendja duhet të përqendrohet te ndryshimi i ligjit të konsultimit publik apo ligji “Për procedurat tatimore”.
Megjithatë, për kreun e Dhomës së Tregtisë dhe Industrisë, Nikolin Jaka lëvizja në Ministrinë e Sipërmarrjes është thjesht çështje emrash, ndërkohë që qeveria duhet të ndryshojë gjithë strukturën, në mënyrë që problematikat e sipërmarrjes të adresohen siç duhet.
Ndërkaq, Shkodra komenton dhe emërimin e Anila Denajt në krye të Ministrisë dhe Financave, duke theksuar se sfidë mbetet krijimi I vendeve të reja të punës dhe shkollat profesionale, që deri më tani janë lënë në hije.
Jaka dhe Shkodra kritikojnë fort edhe paketën fiskale të vitit 2019, kryesisht në drejtim të uljes së TVSH-së për prodhimet bujqësore si dhe taksimin e lëndës së parë të plastikës, ndërsa paralajmërojnë se do të kërkojnë rishikimin e kësaj të fundit.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.