Biznesi në grevë të përgjithshme – 8 orë ulje qepenësh, Nasto: Kemi 4 kërkesa, të hapur për dialog
Krahas studentëve, të mërkurën edhe biznesi i vogël dhe i mesëm paralajmëron grevë të përgjithshme, duke ulur qepenat nga ora 8:00-16:00. Në një dalje për mediat, kreu i Shoqatës, renditi dhe 4 kërkesat drejtuar qeverisë, që lidhen me pragun e TVSH-së, uljen e çmimit të energjisë elektrike dhe naftës si dhe zëvendësimin e kasave fiskale.
Sipas të dhënave të Shoqatës, nga fillimi i vitit janë mbyllur 18 mijë biznese apo 5000 më shumë në krahasim me vitin e kaluar, ndërkohë që Nasto u shpreh i hapur për dialog me institucionet përkatëse, për zgjidhjen e kërkesave të tyre.
Shoqata e Biznesit të Vogël dhe të Mesëm parashikon që deri në 3-mujorin e parë të vitit 2019 të mbyllen 30 mijë biznese, ndërsa i ka bërë thirrje të gjithë bizneseve të bashkohen në këtë grevë, duke mos përjashtuar përshkallëzimin e saj deri në grevë urie.
Ola Mitre/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.