Bjellorusia: Mbi 2.000 emigrantë në kampe – Pritet të vijnë më shumë. Raportohen të vdekur në të dyja anët e kufirit

Bjellorusia deklaroi se mbi 2,000 emigrantë po qëndrojnë në kufirin me Poloninë dhe më shumë do mbërrijnë sipas agjencisë mediatike TASS.  Komisioni i kufijëve shtetërorë i Bjellorusisë publikoi një video të kampeve dhe pamjet me dron treguan numrin e njerëzve në territor.  Pamejt treguan gjithashtu grupe humanitare që po punonin me emigrantët, duke shpërndarë ndihma dhe mjekuar të plagosurit.

Polonia deklaroi se 7 emigrantë ishin gjetur të vdekur në anën vetë të kufirit, ndërkohë që të tjerë janë raportuar në Bjellorusi. Bashkimi Europian akuzoi Bjellorusinë për krijimin e një “sulmi hibrid”, duke përdorur emgirantët drejt polonisë si një armë polotike, ç’ka krijon mundësinë e sanksioneve të reja kundër Minskut, në një krizë që kërcënon të tërheqë Rusinë dhe NATO. Grupet humanitare akuzojnë nacionalistët në qeverinë e Polonisë për shkeljen e të drejtave ndërkombëtare të azilit, duke dërguar mbrapsht emigrantët në Bjellorusi, në vend që të pranojë aplikimet e tyre për mbrojtjte.

Polonia ka reaguar duke thënë se veprimet që ka bërë janë në përputhje me ligjin. Emigrantët nga Lindja e Mesme, Afganistani dhe Afrika të “ngecur” në Bjellorusi, kanë bërë përpjekje për të hyrë me forcë drejt Polonisë gjatë natës, sipas deklaratave në Varshavë, që lajmëroi se ka përforcuar kufijtë me roje dhe forca ushtarake.

Klevis Llaha / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.