Bloomberg i dyti në sondazhe, sfidon Sanders. Pritet ‘luftë’ miliarderësh për presidencën në Amerikë

Kandidati presidencial demokrat Michael Bloomberg do të marrë pjesë në një debat për nominimin për herë të parë të Mërkurën, konfirmoi menaxheri i fushatës së tij.

Për të marrë pjesë në debatin në Nevada, atij iu desh të sondazhonte mbi shifrat dyshifrore në katër sondazhe kombëtare të njohura nga Partia Demokratike.

Të martën, një sondazh i NPR / PBS NewsHour / Marist zbuloi se ai kishte mbështetje nga 19% e të anketuarve.

Ish-kryetari i bashkisë së Nju Jorkut nuk do të garojë në katër shtetet e para të nominimit.

Bloomberg, në vend të kësaj ka zgjedhur të hyjë në garë në 3 Mars, i njohur si “Super e Marta”, kur 14 shtete do të votojnë.

Ai u rendit në vendin e dytë në sondazhin NPR / PBS NewsHour / Marist. ndërsa Bernie Sanders erdhi në vendin e parë me 31% mbështetje në rang kombëtar dhe Joe Biden ishte në vendin e tretë me 15%.

“Mike mezi pret të bashkohet me kandidatët e tjerë demokratë në skenë dhe të shprehë argumentet pse ai është kandidati më i mirë për të mposhtur Donald Trump dhe për të bashkuar vendin,” tha menaxheri i fushatës së Bloomberg, Kevin Sheekey në një deklaratë.

Biznesmeni miliarder Z. Bloomberg ka shpenzuar qindra miliona dollarë në reklama televizive, radio dhe dixhitale për fushatën e tij.

Sipas CNN, ai ka një operacion fushate që përfshin më shumë se 2,000 ndihmës në New York dhe në të gjithë vendin.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.