BQE në diskutime – A do të rifinancohen bankat me kredi shumëvjeçare?

Banka Qendrore Europiane do të diskutojë “shumë shpejt” nëse do të sigurojë një raund të ri të kredive shumëvjeçare për bankat.

Kështu u shpreh krye ekonomisti i BQE, Peter Praet duke shtuar se pavarësisht kësaj banka ende nuk mund të vendosë menjëherë mbi kushtet e tyre.

“Diskutimi do të vijë shumë shpejt në Këshillin Drejtues. Kjo nuk do të thotë që ne do të marrim vendime në po të njëjtën kohë” -tha Praet në lidhje me një operacion të ri të ri financimit afatgjatë të synuar (TLTRO).

“Unë mendoj se qartësia për sektorin bankar është e rëndësishme por jo domosdoshmërisht në parametrat e TLTRO sepse kjo është e komplikuar.” Ai shtoi se TLTRO-ja e mëparshme e BQE-së, ishte “jashtëzakonisht bujare”.

Burimi:REUTERS

E.T/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.