Brexit, përsëri i pasigurt – Parlamenti voton paketën e Johnson, por refuzon kalimin e shpejtë

Paketa e Brexit e kryeministrit britanik Boris Johnson u vu në pikëpyetje pasi parlamenti refuzoi kërkesën e tij për përshpejtimin e debatit. Johnson doli fitimtar kur deputetët votuan me 329 pro dhe 299 kundër për marrëveshjen e daljes nga Bashkimi Europian, që do t’i japë fund anëtarësisë së Britanisë.

Megjithatë,  disa minuta më vonë, deputetët refuzuan thirrjen e tij për kalimin e shpejtë të ligjit në dhomën e ulët të parlamentit deri ditën e Enjte.

Kjo votë u humb me 322 pro dhe 308 kundër dhe Johnson lajmëroi se do ndalojë ligjin, në mënyrë që të konsultohet me Bashkimin Europian.

Johnson tha se është zhgënjyer që parlamenti votoi përsëri për shtyrjen e afatit dhe këmbënguli se vendi duhet të dalë më datë 31 Tetor.

Më herët ai kishte thënë se do të kërkojë zgjedhje nëse vota refuzohet nga deputetët. Pas vendimit të Johnson për të ndaluar procesin, Donald Tusk, presidenti i Këshillit Europian, tha se do ti rekomandojë 27 vendeve anëtare që t’i japin Britanisë një shtyrje të afatit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.