Dogana Shqiptare fton bizneset të aplikojnë për statusin ‘Eksportues i miratuar’ – Procedura dhe përparësitë
Drejtoria e Përgjithshme e Doganave fton biznesin të aplikojë për statusin “Eksportues i miratuar” në platformën e-Albania, i cili ka si funksion lehtësimi e procedurave doganore dhe nxitjes së eksporteve.
Sipas informacionit aplikimi kryhet në llogarinë e biznesit në E-Albania, duke zgjedhur shërbimin “Autorizim për statusin e eksportuesit të miratuar” dhe ky status i jep eksportuesit këto përparësi:
- Reduktimin e ndjeshëm të kohës së pritjes në doganë, për lëshimin e certifikatës EUR.1.
- Shmangien e gabimeve të mundshme gjatë plotësimit të certifikatës EUR.1, gabime këto që do të sillnin penalizim të operatorit ekonomik eksportues.
- Reduktimin e kohës së nevojshme për plotësimin e dokumenteve që shoqërojnë deklaratën doganore të eksportit.
- Rritjen e besueshmërisë të autoriteteve doganore të vendit të destinacionit të mallit ndaj operatorëve ekonomik.
DSH njofton se në rast të nevojës së asistencës lidhur me plotësimin e formularit të aplikimit për statusin “Eksportues i Miratuar” në platformën e-Albania bizneset mund të kontaktojnë: [email protected]
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.