Doganat takim me partnerët britanikë – Në fokus, thellimi i bashkëpunimit në fuqizimin e kontrollit kufitar
Bashkëpunimi me partnerët ndërkombëtar, veçanërisht në fuqizimin e kontrollit kufitar ka një rëndësi të veçantë për Administratën Doganorë.
Kreu i përgjithshëm i Doganave, Arlin Gjokutaj, zhvilloi një takim me zv.drejtorin e Targetimit të Departamentit të Informacionit të Forcave të Kufirit, të Mbretërisë së Bashkuar, Mark Laming në kuadër të projektit ndërkombëtar ‘Hunter’.
Qëllimi kryesor i këtij projekti është të ndërtojë në nivel ndërkombëtar aftësimin në grumbullimin, analizimin dhe shënjestrimin në fushën e mbledhjes të informacioneve dhe të dhënave për mallra dhe pasagjerë.
Përmes implementimit të tij, synohet gjithashtu edhe ndalimi i lëvizjes përtej kufijve ndërkombëtar të individëve dhe mallrave që dëmtojnë interesin kombëtar të vendeve.
Po ashtu, në fokus të takimit ishte edhe thellimi i bashkëpunimit mes dy administratave doganore me qëllim mbështetjen e proceseve të punës, aftësimin në targetimin e risqeve, ndërtimin dhe zhvillimin e sistemeve me qëllim dhe përdorimin me eficencë të infrastrukturës aktuale.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.