Drejtoria e Transportit në Tiranë i nënshtrohet rikualifikimit. Si do të transformohet godina

Drejtoria e Përgjithshme e Shërbimeve të Transportit Rrugor njofton se do të rikualifikohjë me fondet e veta godinën e drejtorisë rajonale në Tiranë.

“Rrjedha e punës, përballimi i flukseve të ngarkesës në DRSHTRR Tiranë, iteneraret përgjatë praktikave të shërbimit lënë shumë për të dëshiruar! Hapësira jofunksionale e të pashfrytëzuara, kushte pune jo ergonomike e jo praktike për qytetarin por edhe për punonjësit tanë na nxitën të projektojmë ndryshimet e duhura! “ shkruan DPSHTRR.

Objekti aktual do t’i nënshtrohet një rikualifikimi integral në interiore, sinjalistika informuese e orientuese, riorganizim e rehabilitim i zyrave të administratës dhe arkivave, sallat e pritjes dhe sportelet e shërbimit, izolime e sisteme, rampa e infrastruktura jashtë, ribrandim brenda e jashtë, risistemime objekteve në oborr dhe hyrjen e jashtme, rikualifikim oborri, mobilime e ndriçim, instalime të reja, paisje, përmirësime rrjeti e sisteme sigurie, komoditet, etj!

Sipas DPSHTRR, punimet do kryhen pa cënuar shërbimet dhe gjithçka do financohet nga vetë DPSHTRR).

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.