Edhe sa do ta mbajë ‘mbërthyer” i nxehti afrikan Shqipërinë? Parashikimi: Rikthehen shtrëngatat dhe stuhitë
Edhe për javën që presim përpara vendi ynë do të vijoj të jetë i “mbërthyer” nga i nxehti Afrikan por fundi i javës më në fund sjell një lehtësim.
Por pse?
Siç u theksua edhe më lart, fillimi i javës si dhe ditët në vijim (dita e Hënë deri ditën e Mërkurë) vendi ynë do të vijoj të ndikohet nga moti i kthjellët dhe i nxehtë. Kjo për shkak se mbi vendin tonë do të vijojnë ndikimin e tyre masat e nxehta nga Afrika e Veriut.
Kjo njoftohet nga Shërbimi Meteorologjik Ushtarak.
Sipas Shërbimit, duke filluar nga dita e Enjte situata meteorologjike ndryshon pasi fillon tërheqja e masave të nxehta dhe zëvendësohen nga ato më të freskëta me origjinë nga veriperëndimi.
Moti (dita e Enjte) do të jetë i kthjellët por me alternime vranësirash më të theksuara në zonën e veriut ku do të shoqërohen me reshje shiu. Ato të do jenë të dobëta dhe sporadike dhe lokalisht shtrëngata afatshkurtëra.
Po ashtu edhe për ditën e Premte moti parashikohet me alternime kthjellimesh dhe vranësirash kësaj rradhe më të theksuara në zonën e jugut. Reshjet do të jenë të herëpashershme me intensitet të ulët. Përreth relieveve malore në formën e shtrëngatave dhe stuhive afatshkurtër. Përgjatë vijës bregdetare do të jenë sporadike në formën e pikave.
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.