Hajdutët bëjnë kërdinë në bankomate – Vodhën 230 mijë euro nëpërmjet pajisjeve elektronike të përshtatura

Dy të dyshuar janë arrestuar pasi gati një çerek milion euro janë vjedhur duke hakuar nga makinat e parave në të gjithë Evropën.

Policia polake arrestoi dy të dyshuarit, të cilët janë të dy nga Bjellorusia, në kryeqytetin polak Varshavë.

Ata dyshohet se kishin fituar qasje në bankomate (ATM) duke shpuar vrima ose duke shkrirë pjesë të makinave për të lidhur fizikisht telat me një kompjuter portativ. Atëherë ata ishin në gjendje që nga distanca t’i thoshin arkës të shpërndante para.

Dhjetëra ATM në të gjithë Evropën u vunë në shënjestër, me rreth 230,000 euro të vjedhura në total, sipas Europol, e cila ndihmoi në hetimin.

Vjedhjet ndodhën në të paktën shtatë vende evropiane dhe kriminelët shënjestronin gjithmonë të njëjtën markë dhe model të ATM -ve.

Forcat policore nga gjashtë vende morën pjesë në hetim, përfshirë Poloninë, Gjermaninë, Austrinë, Zvicrën, Republikën Çeke dhe Sllovakinë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.