Histori suksesi/ Ideja miliona dollarëshe e një vajze që refuzohet nga investitorët meshkuj?

Stitch Fix është platformë për blerjet në internet që përdor një kombinim të algoritmeve të inteligjencës artificiale (AI) dhe stilistëve njerëzorë për t’u dërguar klientëve artikuj të modës sipas shijeve të tyre. Klientëve ju dërgohen rroba dhe aksesorë rë markave të zgjedhura posaçërisht për ta, bazuar në masën, preferencat dhe buxhetin e tyre. Në këtë platformë ata marrin atë që duan dhe kthejnë mbrapsht ato produktë të cilat nuk ju bëjnë.

Katrina Lake,  themeloi kompaninë në vitin 2011, në moshën 28 ​​vjeç, ndërsa studionte në master, për Administrim Biznes, në Harvard Business School, në Boston. Sot biznesi i saj ka një vlerë prej 1.1 miliardë dollarë, ka 3.4 milion klientë, 6.600 të punësuar dhe shitjet vjetore prej 1.6 miliardë dollarë.

Por rruga për këtë sukses të jashtëzakonshëm nuk ishte e qetë. Biznesi i Katrinës u rrëzua nga investitorë të shumtë të mundshëm dhe ajo luftoi për të mbledhur fonde që në ditët e para. Ajo gjithashtu thotë se nuk u mor seriozisht, vetëm sepse ishte grua. Ndërkohë, një numër i konsiderueshëm artikujtsh të shtypit në vitin 2017 deklaronin se ajo ishte përballur edhe me ngacmime seksuale.

“U përballa me shumë vështirësi vetëm sepse isha grua,” thotë ajo. “Ajo që kuptova gjatë hapjes së kompanisë ishte se unë nuk duhet të  mendoja për feminizmin si një gjë politike, pasi kjo nuk ishte një gjë politike. Kjo kishte të bënte me të drejtat e njeriut dhe barazinë.”

Mbajtja e një pjese prej 16.6% në Stitch Fix, vlera neto e Katrina qëndron në më shumë se 200 milion dollarë. Sidoqoftë, ajo fillimisht nuk filloi të bëhej sipërmarrëse.

Pasi u rrit në Minesota dhe San Francisko, ajo kishte dashur të ndiqte gjurmët e babait të saj dhe të bëhej mjeke. Në vend të kësaj, pasi mori një diplomë në ekonomi nga Universiteti Stanford dhe filloi të punonte si një këshilltare menaxhimi, si dhe më vonë punoi për një firmë investimesh.

Pasioni i saj ishte tregtimi me pakicë i veshjeve, dhe ajo shpresoi që të qenit në një kompani investimesh do t’i mundësonte asaj të takonte themeluesit e tregtisë elektronike, në mënyrë që të mund të bëhej pjesë e industrisë së madhe të modës.

“Unë thjesht kam dashur të punoj në çfarëdolloj sektori që kishte të bënte me industrinë e modës, derisa kuptova se nuk kishte asgjë të vështirë pët të qenë sipërmarrëse’’- shprehet ajo.

Motra e saj, një njohesë e mirë e modës, ishte gjithashtu një frymëzim. “Ajo ishte si një stiliste personale për mua pasi ajo i njihte të gjitha markat e që kryesonin tregun” thotë Katrina.

Ajo do të zhvillonte sondazhe në internet për të zbuluar se çfarë klientët e mundshëm donin të blinin. Fillimisht duke synuar gratë, ajo do të kuptoni se cilat ishin markat më të pëlqyera dhe masat më të përhapura.  Pastaj ajo do të blinte rroba në dyqane të ndryshme me kartën e saj të kreditit, dhe, me ndihmën e miqve dhe familjes, t’i dërgonte ato jashtë.
“Unë do të blija produkte me cmim pakice dhe po me të njëjtën vlerë do t’i shisja edhe pse nuk do të fitoja para. Por të paktën unë mund të eksperimentoja për të parë nëse koncepti funksiononte.”

Biznesi u ngrit shpejt. Në fillim kishte të punësuar, duke u shtuar me 50 dhe pastaj me 120, duke u rritur kështu në mënyrë organike.  Në ditët e para, biznesi u përpoq të vazhdonte me ritmin e rritjes.

“Kishim një listë pritjeje për një kohë,” thotë Katrina.

Një sfidë e madhe ishte mbledhja e fondeve nga komuniteti i investimeve të mbizotëruara nga burrat.  Edhe pse në një luftë të vazhdueshme mes meshkujsh, Katrina ja doli të mbizotërojë në tregun e modës edhe pse asnjëri prej tyre nuk besoi në vizionin e saj, pasi biznesi tërhoqi përfundimisht mbështetës dhe Stitch Fix mblodhi 42.5 milion dollarë, pasuar nga 120 milion dollarë të tjerë në IPO. Dhe u zgjerua për të shitur edhe veshje për burra dhe fëmijë.

E.Z/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.