Inflacioni në Eurozonë shënon një rekord prej 5.1%, i nxitur nga çmimet më të larta të energjisë!

Befasia është se inflacioni total mbetet më i lartë se sa pritej. Me tkurrjen e efekteve bazë nga çmimi i naftës dhe rritja e tatimit mbi vlerën e shtuar (TVSH) gjermane nga janari i kaluar, duke dalë jashtë shifrave, shumica prisnin një rënie më të madhe të inflacionit total se sa kjo. Këto efekte u tejkaluan nga një tjetër rritje e çmimeve të energjisë, duke bërë që inflacioni i energjisë të rritet në 28.6% në janar. Kjo nuk është aspak e habitshme. Falë çmimeve të paqëndrueshme të tregut të energjisë dhe përçimeve të pasigurta te konsumatori, lëvizjet afatshkurtra të inflacionit të energjisë janë shumë të vështira për t’u parashikuar. Pritet sipas ekspertëve që kjo të përmirësohet nga pranvera e tutje.

Inflacioni total më i lartë dhe inflacioni bazë në rënie nënkupton sa vijon:

• Shqetësimet për efektet e ardhshme të raundit të dytë mbeten të vlefshme pasi inflacioni i energjisë e mban normën e inflacionit në një nivel më të lartë për momentin.
• Ulja e normës së inflacionit bazë konfirmon se norma e lartë e inflacionit nuk po përhapet ende dhe se përçimi i çmimeve të larta të prodhimit mbetet më modest se sa pritej. Inflacioni i mallrave u rikthye në 2.3% dhe inflacioni i shërbimeve qëndroi në nivelin 2.4%. Kjo tregon se ende nuk ka asnjë provë të përhapjes së efekteve të raundit të dytë që po ndodhin në këtë moment.

Pra, kjo rezulton në një normë inflacioni që u siguron si ‘skifterëve ashtu edhe pëllumbave’ (ata me qasje agresive dhe ata me qasje më të butë) mjaft municion për mbledhjen e nesërme të Bankës Qendrore Europiane (BQE). Kjo nuk e zgjidh debatin se sa strukturore apo e përkohshme është kjo normë aktuale e inflacionit. Ndërsa pritshmëritë janë që inflacioni i energjisë do të bjerë në mënyrë të qëndrueshme, ne gjithashtu presim që rritja e pagave të rimëkëmbet gjatë këtij viti dhe të shohim akoma më shumë hapësirë ​​për rritjen e inflacionit të mallrave pasi çmimet e larta të prodhimit i kalojnë konsumatorit. Në përgjithësi, ne presim që inflacioni total të dobësohet në rreth 2% në fund të vitit.

Me përmirësimin e pritshmërive për PBB-në dhe inflacionin për 2023 dhe 2024, kjo duhet të jetë e mjaftueshme për një rritje të normës së BQE-së në fillim të vitit 2023, por është gjithashtu e rëndësishme të theksohet se situata e inflacionit në eurozonë është shumë më pak akute se sa në SHBA ku mungon dëshmia e efektit të dytë.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.