Instagram, trendi në rritje! Fakte dhe statistika rreth aplikacionit të të gjitha moshave

Instagrami është një ndër aplikacionet që është i pranishëm pothuajse në çdo telefon. Si rrjeti social që flet vetëm me fotografi dhe video, Instagrami është aplikacioni që ka ndryshuar mënyrën se si jetojnë njerëzit sot. Ky aplikacion ka ndikuar shumë në jetën virtuale të njerëzve. Instagrami është padiskutim rrjeti social më i përdorur për publikimin e fotografive dhe do të gënjenim nëse s’do pranonim që gjithmonë sigurohemi të publikojmë fotot më të mira të mundshme. Së pari, Instagrami ishte i mundshëm vetëm për iPhone, iPad dhe iPod Touch, por kjo shpejt ndërroi kur në prill të vitit 2012, u shtua dhe mundësia që ky aplikacion të përdorej në telefonat Android. Sipas të dhënave nga agjencia, LendEDU, nga gjithë aplikacionet dhe rrjetet sociale, Instagrami është i vetmi rrjet social që ngre më lart egon. Në një sondazh prej 10 mijë të rinjsh u zbulua se 64% e tyre besonin se Instagrami ishte platformë më narcize nga gjithë rrjetet sociale si Facebook, Twitter, Snapchat etj. Shumica e fotove që postohen nga njerëzit në Instagram janë “selfie”.

Për shumë persona dhe kompani, Instagrami nuk është thjesht një rrjet social për të postuar foto me filtra, por një burim paraje. Instagram u krijua nga Kevin Systrom dhe Mike Krieger dhe u hodh në treg në tetor të vitit 2010. Ky aplikacion pati fillesat në San Francisko. Deri në dhjetor të vitit 2010 Instagrami kishte 1 milion përdorues të regjistruar. Në qershor të vitit 2011, Instgrami njoftoi se kishte 5 milionë përdorues dhe në shtator të njëjtit vit kaloi shifrën e 10 milionë përdorueseve. Në prill të vitit 2012 u njoftua se mbi 30 milionë llogari ishin regjistruar në Instagram. Instagrami njoftoi se 100 milionë fotografi ishin ngarkuar me shërbimin e tij që nga korriku i vitit 2011.Ky total në vitin 2011 arriti shifrën në 150 milionë.

Rreziku i rrjeteve sociale

Rrjetet sociale Instagram dhe Snapchat kanë rezultuar shumë të rrezikshme për shëndetin mendor të të rinjve. Sipas një studimi nga “Royal Society for Public Health” u publikuan efektet pozitive dhe negative të bazuara në përgjigjet e 1500 të rinjve, nga mosha 14-24 vjeç. Fëmijët u pyetën se cila nga platformat ndikon negativisht në shëndetin e tyre, dhe dolën në përfundimin se Instagrami ka impaktin më të keq, dhe pas saj ishte Snapchat. Këto janë rrjete sociale që i tërheqin të rinjtë pasi janë të fokusuara të imazhi, por shpesh herë shkaktojnë depresion apo vetëbesim të ulët prej fotografive që postojnë të tjerët.

Fakte dhe statistika interesante rreth Instagram:

Instagram ka rreth 100 milionë përdorues aktivë në muaj; rreth 40 milionë foto postohen çdo ditë.

Ndodhin rreth 8500 pëlqime çdo sekondë; deri në vitin 2020, Instagrami pritet të shtojë rreth 26.9 milionë përdorues; në SHBA, Instagrami po rritet 5 herë më shumë se rrjetet e tjera sociale; markat më të mëdha përdorin rreth 2.5 hashtags; 59% e përdoruesve e përdorin çdo ditë rrjetin social, ndërsa 35% e përdorin disa herë në ditë; 40 % të fotove në Instagram janë të filtruara; numri i përdoruesve nga Shqipëria është rreth 400,000 persona; numri i të rriturve që përdorin Instagram është dyfishuar që nga 2012; përfshirja në postime rritet me 79% kur postimeve i shtohet vendndodhja; 98 % të fotove të postuara ne Instagram shpërndahen edhe në Facebook; ditët më të mira për të postuar në Instagram janë e Hëna dhe e Marta.

Migena Bushati/SCAN Magazine

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.