iPhone 8, telefoni më i shpejtë në botë – Procesori i tij po aq i fuqishëm sa një MacBook Pro
iPhone 8 ka një procesor po aq të fuqishëm sa edhe një Intel i vendosur në një MacBook Pro, ky është konkluzioni që arrin databaza e GeekBench.
Testimet e fundit e konfirmojnë këtë gjë si dhe ekspozojnë dobësitë e pajisjeve të tjera si Galaxy Note 8.
Tom’s Guide kreu një testim të drejtpërdrejtë mes një MacBook Pro 13 inç me procesor Core i5 dhe zbuloi se iPhone 8 është më i shpejtë.
Në GeekBench 4 kur u testuan me të gjitha bërthamat, iPhone 8 shënoi 10,170 pikë ndërsa gjenerata e 7-të Core i5 e MacBook Pro vetëm 9,213 pikë.
Krahasimi midis telefonëve dhe laptopëve ishte diçka e papranueshme në të kaluarën por sipas themeluesit të Geekbench, John Poole kjo nuk është e vërtetë duke konfirmuar legjitimitetin e testimeve, raporton PcWorld.
Ai tha se laptopët kanë tendencën të ofrojnë më shumë performancë për një kohë më të gjatë sesa telefonët. Geekbench 4 mat performancën në një sekuencë të shkurtër.
Në kushte normale, MacBook Pro e mund një iPhone në çdo moment, sepse mund të ruajë një performancë të qëndrueshme pikërisht nga nxehtësia.
E thënë ndryshe iPhone 8 nuk ka atë sistem ajrimi për ti mbijetuar nxehtësisë që shkakton një testim më i gjatë.
Mjafton që të editoni dhe përpunoni një video në iPhone 8 dhe do të vëreni ndryshimin e madh me telefonët Android që ngjajnë të dorës së dytë.
Eksportimi i një videoje 4K 2 minutëshe mori vetëm 42 sekonda në një iPhone 8 ndërsa plot 3 minuta në Galaxy S8+.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.