Ja se si gjumi ju ndihmon të humbni peshë!

Sa herë që krijojmë një plan të ri për të humbur peshë, gjërat e para që mund të vijnë në mend janë dieta dhe stërvitja. Ndërsa këto dy elementë janë çelësi për arritjen e rezultateve, ka një faktor tjetër që mund të ketë një efekt po aq të rëndësishëm: sasia dhe cilësia e gjumit. Këto faktorë mund të ndihmojnë në parandalimin e ngrënies, duke e bërë shumë më të lehtë dietën për secilin prej nesh.

Sipas një studimi, ju mund të vlerësoni sa kalori keni djegur ndërsa jeni duke fjetur duke llogaritur në fillim shkallën tuaj metabolike bazike (numri i kalorive që trupi juaj duhet djegë kur pushon) dhe duke e pjesëtuar këtë numër me 24 ( numri i orëve në ditë). Një mënyrë për të përcaktuar BMR-në tuaj është duke përdorur formulën Harris-Benedict, e cila bazohet në peshën tuaj, lartësinë, moshën dhe seksin. Për një grua, llogaritja është:

BMR = 655 + (1.8 x lartësi në centimetra) + (9.6 x peshë në kilogram) – (4.7 x mosha në vite)

Sa më shumë që ushtroheni dhe sa më shumë muskuj të ndërtoni, aq më shumë kalori do të digjni gjatë kohës kur jeni duke pushuar.

“Mungesa e gjumit e bën dietën sfiduese për trupin tuaj pasi rrit nivelin e hormoneve të stresit”, shtoi Holly Roser, një trajner personal i çertifikuar nga NASM dhe specialisti i ushqimeve në New York City dhe San Francisco .

Pra, nëse doni të rrisni metabolizmin tuaj dhe të digjni sa më shumë kalori, duhet të bëni një gjumë të mirë dhe të plotë.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.