Jeta përrallore e familjes mbretërore të Monakos – Drejtojnë një nga vendet më të pasura në botë
I njohur si një “Shesh lojërash për milionerët”, Monako është i famshëm për pasurinë e tij, luksin, kazinotë dhe ngjarjet magjepsëse, të tilla si Monaco Yacht Shoë dhe Grand Prix Monaco.
Vendimmarrës për këtë shtet të vogël por të pasur janë familja mbretërore e Monakos e drejtuar nga Princi Albert II, djali i Princit Rainier III dhe aktorja Grace Kelly, e cila vdiq në një aksident automobilistik në 1982 si dhe gruaja e tij prej tetë vitesh, Princesha Charlene.
Princi Albert ka një pasuri të vlerësuar me 1 miliard dollarë dhe zotëron rreth një të katërtën e tokës mbi të cilën ai mbretëron, sipas GoBankingRates, duke e bërë familjen mbretërore të Monakos një nga më të pasurat në botë. Për krahasim, Mbretëresha e Anglisë, Elizabeta II, vlen rreth 500 milion dollarë.
Përafërsisht 32% e popullsisë së Monakos është e përbërë nga milionerë. Vendi është shtëpia e 12.261 milionerëve në më pak se 1.6 kilometër katrorë, dhe numri i milionerëve u rrit me 12% midis 2013 dhe 2018, sipas Raportit të Pasurisë së Knight Frank 2019.
Vendbanimi zyrtar i familjes mbretërore është Pallati i Princit të Monakos. Pallati, i cili u ndërtua si një kështjellë në 1162, ruhet nga një forcë prej 98 burrash, e përbërë nga ushtarë francezë shumë të stërvitur.
Dasma tre-ditore e Albert II dhe Charlene kushtoi rreth 70 milion dollarë dhe përfshinte mysafirë si Karl Lagerfeld, Naomi Campbell dhe Giorgio Armani.
Familja mbretërore shpesh shihet në organizime ndërkombëtare duke marrë pjesë në takime me krerët e shteteve të ndryshme të botës dhe gjithashtu me yje të ndryshëm të Hollivudit.
Në eventet më me bujë të Monakos familja shihet duke përdorur helikopterë dhe jahte miliona dollarëshe.
Fëmijët e çiftit mbretëror, Princesha Gabriella dhe Princi Zhak i Monakos të cilët janë vetëm 4 vjeç, tashmë janë “ikona të stilit”, sipas shtypit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.