Karta juaj e kreditit është vjedhur dhe ju nuk e keni kuptuar akoma. Ja çfarë duhet të bëni

Mashtrimi me kartat e kreditit është në rritje gjithashtu edhe mënyrat e vjedhjes janë të shumta. Hajdutët e kartave të kreditit po bëhen më të mençur duke përdorur metoda që përfshijnë bisedat telefonike, postën elektronike, klonimin e kartave gjithashtu dhe rrjetin e internetit që përdor për të marrë të dhënat tuaja personale. Ti mund të jesh një viktimë e vjedhjes së kartave online dhe akoma nuk e ke vënë re.
Në qoftë se gjen edhe shkakun më të vogël gjëja e parë që duhet të bësh është të kontaktosh bankën. Vjedhja e kartave të kreditit është një problem në rritje , por ky nuk është problemi i vetëm. Një problem tjetër është se dhe mënyrat e vjedhjes po rriten dhe është një problem tepër serioz.
Tradicionalisht hajdutët vidhnin kartën tuaj fizike dhe e përdornin atë , sot karta fizike mund të jetë e fundit që vidhet . Sot kartat e vjedhura mund të shiten shumë thjesht online duke pasur gjithë informacionet e duhura përfshirë dhe Zip kodet dhe të gjitha të dhënat e tua.
Kartat e vjedhura përdoren kryesisht për blerje online , prenotime udhëtimesh apo fluturimesh gjithashtu edhe duke u klonuar për të nxjerrë paratë cash nga bankomati.

Ja disa këshilla për të mbrojtur veten nga këto mashtrime :
• Qëndroni vigjilent dhe lexoni informacione mbi këto mashtrime
• Sapo të vini re diçka të dyshimtë kontaktoni bankën
• Kontaktoni shërbimin ndaj klientit për të ngrirë llogarinë tuaj
• Denonconi rastin në polici
• Ndryshoni fjalëkalimin dhe numrin PIN të llogarisë
• Monitoroni gjendjen e kartës dhe transaksionet online

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.