Kongresi i SHBA, në dakordësi! Marrëveshje për paketën prej 900 mld USD të pandemisë
Liderët në Kongresin e Shteteve të Bashkuara, arritën një marrëveshje mbi paketën prej 900 miliardë dollarë, që do ofrojë ndihmën e parë në disa muaj për ekonominë dhe individët që janë goditur nga pandemia. Paketa do të ofrojë pagesa direkte prej 600 dollarë dhe rrisë pagesat e papunësisë me 300 dollarë në javë. Paketa përfshin gjithashtu miliarda dollarë stimuj për bizenset e vogla, programet e ndihmës ushqimore, shpërndarjen e vaksinës dhe kujdesin shëndetësor.
“Çdo kush që mendon që kjo paketë është e mjaftueshme, nuk i’a ka idenë çfarë po ndodh në Amerikë”- tha lideri i demokratëve në Senat, Chuck Schumer. Ai shtoi se do të kërkojë për më shumë ndihma, pasi presidenti demokrat Joe Biden, të marrë detyrën më 20 Janar. Paketa përbën stimujt të dytë më të mëdhenj në historinë amerikane, pas 2.3 trilionë dollarë ndihma të kaluara në Mars. Kjo vjen pasi pandemia ka marrë vrull, duke infektuar mbi 214,000 njerëz në dytë. Mbi 317,000 amerikanë kanë ndërruar jetë si pasojë e virusit. Ldierët republikanë dhe demokratë thanë se paketa duhet të ketë mjaftueshëm mbështetje për të kaluar të dy dhomat në Kongres. Zëdhënës të Shtëpisë së Bardhë thonë se presidenti Donald Trump e mbështet paketën dhe do ta nënshkruajë në ligj.
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.