Konsumatori gjerman, i fortë – Gati për sezonin e pushimeve. Do të vazhdojë të mbështesë ekonominë

Ndjesia e konsumatorit gjerman është rritur papritmas në muajin Nëntor duke treguar se shpenzimet konsumatore do vazhdojnë të mbështesin ekonominë më të madhe të Europës në fundvit.

Niveli rekord i lartë i punësimit, inflacioni i ulët, pagat e larta dhe interesat në nivelin më të ulët në histori, kanë kthyer shpenzimet konsumatore në një nxitës të qëndrueshëm të ekonomisë gjermane, duke e mbrojtur vendin nga lufta tregtare.

Treguesi i ndjesisë së konsumatorit, që bazohet në sondazhin e 2,000 gjermanëve u përmirësua në Nëntor.

Instituti GFK bëri të ditur se një nën-indeks që mat pritshmëritë për rritjen ekonomike pati rritje, për shkak se gjermanët janë më optimist për shkak të zbutjes së luftës tregtare.

Pritshmëritë e konsumatorëve për pagat u rritën gjithashtu, për shkak të tregut të fortë të punës, rritjes së pagave dhe inflacionit të ulët.

Ekonomia gjermane shmangu recesionin në tremujorin e tretë, ndërkohë që konsumatorët, shpenzimet shtetërore dhe eksportet, kontribuuan në një rritje prej 0.1%, pas tkurrjes me 0.2% në tremujorin e dytë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.