Kriza, jo më në gjykata – Gjonaj: Paditë e vogla jashtë sallave të gjyqeve, rol i ri për ndërmjetësit ligjorë

Ngarkesa tepër e madhe e gjykatave, përkeqësuar dukshëm nga shkarkimet e shumta prej procesit të Vetting-ut, do të zbutet përmes ndërmjetësuesve ligjorë, të cilët do trajtojnë mosmarrëveshjet e vogla të qytetarëve e bizneseve. Shkak për të cilin ligji për ndërmjetësimin gjyqësor i është nënshtruar ndryshimeve rrënjësore.

Ministrja e Drejtësisë Etilda Gjonaj tha se për fat të keq profesioni i ndërmjetësit nuk ka marrë deri tani rëndësinë e duhur, gjë që do ndryshojë një herë e mirë me ligjin e ri, me forcimin e kritereve të licencimit dhe me përgatitjen profesionale të ndërmjetësve.

Deklaratat e Ministres së Drejtësisë u bënë gjatë Prezantimit “FORCIMI I SISTEMIT TË NDËRMJETËSIMIT NË SHQIPËRI”. Projekt, i mbështetur nga Ambasada e Mbretërisë Norvegjeze, që synon të kontribuojë në zhvillimin e ndërmjetësimit në Shqipëri.

Lorenc Rabeta/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.