Krizë qeveritare/ Italia në ‘shah’ politik! Pikëpyetjet: Pse Renzi po tenton të rrëzojë qeverinë dhe a do të ikë Conte?
Italia ndodhet në krizë qeveritare, në një periudhë delikate të diktuar nga pandemia. Matteo Renzi, forca politike e të cilit mban në këmbë numerikisht qeverinë e drejtuar nga Giuseppe Conte, ka sulmuar ashpër qeverisjen ndërsa dy ministra të tij kanë dhënë dorëheqjen.
Nga ana tjetër, mediat italiane informojnë se kryeministri nuk ka në plan që të japë dorëheqjen. Ajo që pranohet është se lëvizja e radhës, në atë që mediat italiane e cilësojnë si ‘lojë shahu’, tashmë i takon kryeministrit Conte.
Vendimi i ish-kryeministrit Renzi, sipas ‘Ilsole24ore’ për të rrëzuar qeverinë përmes tërheqjes së ministrave, vjen në një kohë kur forca e tij politike po njihte një ‘zbehje’ të mbështetjes popullore.
“I vendosur në një kënd, pa një perspektivë konkrete ringritje, Renzi ka parë te Plani ‘ Rimëkëmbjes që prezantoi qeveria, rastin e duhur për të ndryshuar fatin e partisësë tij” shkruan ‘Ilsole24ore’.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.