Kush janë drejtuesit e rinj të spitaleve në vend – Rihapet konkursi për 4 Spitale Rajonalë që rezultuan pa fitues

Ministria e Shëndetësisë ka shpallur emrat e kandidatëve që kanë performuar më mirë në fazat e konkurrimit për drejtues të spitaleve universitarë dhe rajonalë. Pas disa proceseve si testimi me shkrim dhe ai me gojë, kandidatët që kanë grumbulluar pikët më të larta dhe fitojnë të drejtën për t’u emëruar si drejtorë të spitaleve janë si më poshtë:

Për Spitalin Rajonal Berat, kandidati Eduart Bejko ka grumbulluar pikët më të larta, 81 pikë.

Për Spitalin Rajonal Durrës, Alban Ramohitaj me 72 pikë.

Për Spitalin Rajonal Dibër, Spartak Koltraka me 67 pikë.

Për Spitalin Rajonal Fier, Nevila Shuke me 75 pikë.

Për Spitalin Rajonal Kukës, Ismet Nika me 75 pikë.

Për Spitalin Rajonal Lezhë, Leon Kaza me 78 pikë.

Për Spitalin Rajonal Shkodër, Vilson Masmalaj me 76 pikë.

Për QSUT, Enkelejdi Joti me 77 pikë.

Për Spitalin Universitar të Traumës, Arben Zenelaj me 83 pikë.

Për Spitalin Universitar “Shefqet Ndroqi”, Perlat Kapisyzi me 87 pikë, i cili është gjithashtu kandidati që ka grumbulluar më shumë pikë në rang vendi.

Për Materniteti “Koço Glozheni” dhe “Mbretëresha Geraldinë”, Eliona Demaliaj dhe Arben Rrugia me 81 dhe 80 pikë.

Ndërkohë, konkursi ka rezultuar pa fitues për Drejtuesit e Spitaleve Rajonalë të Gjirokastrës, Korçës, Elbasanit dhe Vlorës. Për këtë arsye, Ministria e Shëndetësisë njofton rihapjen e procesit për zgjedhjen e drejtuesve. Në konkursin e parë, iu nënshtruan testimit 75 kandidatë.

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.