Kuvendi miraton me 78 vota qeverinë! Pas betimit në Presidencë, ministrat nisin zyrtarisht detyrën

Kuvendi ka miratuar kabinetin e ri qeveritar dhe programin e tij politik.

Për programin e qeverisë dhe kabinetin e ri votuan pro 78 deputetë dhe kundër 51, ndërsa 7 deputetë nuk morën pjesë në votim.

Seanca maratonë ku u diskutua program politik i qeveris “Rama 2” ka zgjatur më shumë se 20 orë. Në fund të diskutimeve kryetari i  Kuvendit Gramoz Ruci ka hapur procesin e votimit pasi lexoi emrat e ministrave të rinj.

Pas miratimit në Kuvend, qeveria e re e cila do të drejtojë vendin për katër vitet e ardhshme pritet që të betohet tek Presidenti i Republikës.

Pas betimit që do të bëjë qeveria e re tek Presidenti prite që të zhvillojë dhe mbledhjen e parë formale. Më herët Kryeministri  Edi Rama është shprehur se dy vendimet e para të qeverisë do të jenë: Shpallja e vitit të Skënderbeut si dhe dhënia fund e burokracisë në administratë.  Sa i përket seancës së radhës kreu i Kuvendit ka njoftuar se do të mbledhë kryetarët e grupeve për të vendosur të  mërkurë në orën 18.00.

Entela Barjamaj/SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.