Makinat e reja në stok – Rënia më e madhe e shitjeve që nga Lufta e Dytë Botërore

Shitjet e makinave të reja në Britani ranë gati 30% në vitin 2020, duke shënuar kështu rënien më të madhe vjetore që nga viti 1943.

Kërkesa ishte 1.63 milionë makina në vitin 2020, sipas të dhënave nga Shoqëria e Prodhuesve dhe Tregtarëve të Motorëve (SMMT). Kërkesa “u godit” veçanërisht rëndë në muajin prill, me një rënie prej 97%, saktësisht në muajin e parë të bllokimit të plotë kombëtar.

“Ne humbëm gati tre të katërtat e një milionë njësive për tre, katër muaj, të cilat nuk i morëm kurrë më” tha Shefi Ekzekutiv i SMMT, Mike Hawes.

Performanca lë shitjet e makinave të reja në nivelin e tyre më të ulët që nga viti 1992 dhe duke pësuar rënien më të madhe që nga viti 1943, kur shitjet ranë me më shumë se 90%.

Në vitin 2020, regjistrimet e makinave me naftë u përgjysmuan, ndërsa gati 30% e shitjeve ishin automjete elektrike.

Sektori i makinave, ashtu si sektorët e tjerë, tani përballet me sfidën e bllokimeve të reja, të njoftuara në Angli dhe Skoci.

Burimi origjinal: Reuters

Përshtati në shqip: SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.