Menaxhimi i baseneve ujore – BE financon 100 mijë euro për trajnimin e organizatave të shoqërisë civile
Menaxhimi i baseneve ujore është një domosdoshmëri në vendin tonë, pasi ndërtimet informale dhe pa kriter kanë ndikuar në dëmtimin e tyre.
Në këtë kuadër Bashkimi Europian financon rreth 100 mijë euro për trajnimin dhe ndërgjegjësimin e shoqërisë civile në mbrojtje të tyre.
Sipas drejtuesit të ICID Albania Reis Mulita, e gjithë shoqëria duhet të kontribuojnë në përmirësimin e situatës në përputhje me legjislacionin, i cili është shumë pranë legjislacionit të BE-së.
Sipas përfaqësuesit të BE-së, ky projekt do të ketë dy faza kryesore, krijimin e kapaciteteve që merren me basenet ujore dhe menaxhimin e integruar të tyre.
Shqipëria është një nga vendet që ka problem me ndërtimin e hidrocentraleve e në të njëjtën kohë me faktin se vetëm 10% e ujërave trajtohen.
Projekti zgjat tre vjet dhe do të implementohet në katër qytete, Pogradec, Durrës, Vlorë dhe Shkodër. Fillimisht do të bëhet trajnimi i organizatave të shoqërisë civile e më pas do të jepen grante që ato të implementojnë projektin në terren.
Entela Barjamaj/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.