Miliona dëme në 148 ditë – Loja Pokemon Go rrit numrin e incidenteve

Gjatë verës së kaluar loja Pokemon Go mbretëronte në mënyrë supreme duke krijuar fiksime te njerëzit, gëzim por edhe dëmtime.

Një studim nga Ekonomistët Mara Faccio dhe John McConnell me titullin “Vdekja nga Pokemon Go”, tregon anën më të errtë të lojës së realitetit masivisht të shtuar.

Këta studiues kërkuan përmes raporteve të aksidenteve nga Tippecanoe County, Indiana, në 148 ditët e para pasi loja u lirua në korrik 2016.

Ata mësuan se loja kishte qenë shkaktare e humbjes së dy jetëve dhe dëme ekonomike mes 5.2 milion deri në 25.5 milion dollar. Në tërë SHBA-në kjo humbje përllogaritet në 2 deri në 7.3 miliard dollar.

Raportet treguan gjatë këtyre 148 ditëve, 286 rrëzime shtesë ndodhën në qark, krahasuar me të njëjtën periudhë më parë.

Rezultoi se  numri i aksidenteve ishte më i lartë afër “pokestopëve” dhe vendeve ku pokemonët janë “prezentë”.

Njerëzit ndalonin makinën në mes të rrugës vetëm për të kapur Pokemonin dhe gjatë të gjithë kohës që ngisnin makinën telefonin e mbanin në dorë për të parë për Pokemonë.

Kjo loja ka padyshim një anë të errët dhe i fiksoi njerëzit që në daljen e saj të parë.

V.H/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.