Ministri francez i ekonomisë ringjall debatin për taksën mbi kompanitë e mëdha dixhitale: “Kriza e COVID-19 e bëri të qartë”

Ministri francez i financave, Bruno Le Maire, ka ringjallur thirrjet për një taksë evropiane mbi bizneset dixhitale, duke thënë se kriza e koronavirusit i bëri taksat e tilla më të rëndësishme se kurrë.

Gati 140 vende po negociojnë rishkrimin e parë të madh të rregullave ndërkombëtare të taksave në më shumë se një gjeneratë, për të marrë parasysh më mirë ngritjen e kompanive të mëdha të teknologjisë që shpesh rezervojnë fitime në vendet me taksa të ulët.

Sidoqoftë, pasojat nga shpërthimi i koronavirusit i kanë lënë ministritë e financave më të përqendruara në kursimin e ekonomive të tyre sesa rregullimi i ligjeve të vjetruara të taksave, duke bërë që një afati i fundit përcaktuar për në fund të vitit, të shtyhet për më tej.

Le Maire kishte thënë para krizës se nëse bisedimet e organizuara nga Organizata e Parisit për Bashkëpunim Ekonomik dhe Zhvillim (OECD) dështojnë, atëherë Bashkimi Evropian duhet të krijojë taksën e vet dixhitale.

Le Maire tha në një ngjarje të Linkedin Live:

Kjo krizë tregon se ata që po bëjnë më të mirët janë gjigantët dixhitalë, thjesht sepse ata janë në gjendje t’i mbajnë bizneset e tyre në funksionalitet dhe megjithatë janë ata  që taksohen më së paku.

Propozimi im i taksave dixhitale është më i rëndësishëm se kurrë dhe shpresoj që partnerët tanë evropianë të njohin domosdoshmërinë absolute për të rritur taksimin e gjigantëve dixhital.

Përpjekjet e kaluara për të krijuar një taksë dixhitale në mbarë BE-në kanë dështuar përballë kundërshtimit të Irlandës, ku shumë kompani të mëdha të teknologjisë amerikane rezervojnë fitime dhe disa vende nordike.

Përballë bllokimit, disa vende evropiane, duke filluar me Francën, kanë shtyrë përpara me taksat e tyre kombëtare për kompanitë dixhitale.

Taksat e Francës shkaktuan kërcënime për hakmarrje tarifore nga Shtetet e Bashkuara, të cilat janë vënë në pritje për të dhënë kohë që një marrëveshje të arrihet këtë vit në OECD.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.