Ministrja Denaj fton bizneset gjermane të rrisin investimet në Shqipëri

Qeveria shqiptare është e angazhuar në nxitjen e investimeve të huaja duke ndërmarrë disa politika apo incentiva fiskalë në sektorë të ndryshëm si turizmi, bujqësia apo edhe reforma e deregulimit.

Gjatë fjalës së saj në ceremoninë e organizuar nga ‘Lufthansa Industry Solution’ Ministrja Denaj, theksoi rëndësinë e tërheqjes së investimeve të huaja në vend.
Për këtë qeveria shqiptare është duke punuar për paketën BPO (Transferimit i Proceseve të Bizneseve) pasi e konsideron atë si një aset të rëndësishëm për të thithur investitorët e huaj në sektor të ndryshëm.
“Sot që flasim kemi 35 shkolla profesionale në vend, me rreth 19 mijë nxënës në këto shkolla,
të cilët, jo vetëm në Tiranë dhe Durrës, por dhe në shumë zona të tjera, janë duke krijuar një dinamizëm tjetër të arsimit profesional, i cili është padyshim shumë i rëndësishëm
për çdo investitor që vjen dhe investon në Shqipëri”, u shpreh Ministrja Denaj.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.