Nafta është prioritet – Rama: Potencial i jashtëzakonshëm, do bëhemi lider në sektor
Kryeministri Edi Rama, ishte një ndër folësit në Kongresin Botëror të Naftës në Stamboll. Ai theksoi se, qeveria shqiptare e ka vendosur industrinë e naftës dhe energjinë si një ndër prioritetet kyç të saj.
Sipas kryeministrit, potenciali që ofron Shqipëria është i jashtëzakonshëm, jo vetëm si pasojë e burimeve gjigande të arit të zi, por edhe si pasojë e pozicionit të favorshëm gjeostrategjik të vendit tonë.
Ndër të tjera, kryeministri përmendi edhe rëndësinë e TAP, fatin e një prej degëzimeve më të rëndësishme të tij, atë Adriatiko-Jonian, por edhe mundësinë e një tjetër degëzimi, drejt Kosovës e më pas Serbisë.
Në fjalën e Ramës nuk ka munguar as thirrja për investitorët e huaj që operojnë në sektor që të vijnë në Shqipëri. Investimet e huaja në këtë sektor zënë peshën kryesore në sotkun e investimeve të huaja direkte në vendin tonë.
Kryeministri e mbylli fjalën e tij duke shprehur besimin se, Shqipëria mund të jetë jo shumë vonë një ndër vendet lider në sektorin e naftës.
Roel Korkuti/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.