Nafta luhatet minimalisht – Investitorët parashikojnë çmime më të larta

Çmimet e naftës po tregtohet të qendrueshëm në sesionin e sotëm, për shkak të shqetësimeve se prodhuesit mund të dështojnë të plotësojnë mungesën e furnizimit që do të shkaktohet nga sanksionet e SHBA ndaj Iranit.

Nafta Brent e Londrës po tregtohet në rreth 79 dollarë për fuçi, ndërsa në sesionin e kaluar u rrit me rreth 1.3%, pasi Arabia Saudite deklaroi se do të preferonte çmime mbi 80 dollarë për fuçi.

Ndërsa nafta Bruto amerikane po tregtohet në rreth 70 dollarë për fuçi, pas rritjes me 1.4% në sesionin e kaluar. Analistët mendojnë se, lufta tregtare që vijon të përshkallëzohet do të dëmtojë kërkesën për naftë.

Fokusi i investitorëve të furnizimi i tregut është reflektuar edhe në tregun e aksioneve, pasi ëshë rritur numri i blerjes së kontratave. Të dhënat e InterContinental Exchange tregojnë se interesi i hapur për të blerë kontrata sugjeron se çmimet mund të rriten deri në 85 dollarë për fuçi.

Tregjet janë në pritje edhe të takimit të Organizatës së Vendeve Eksportuese të Naftës, OPEC, dhe Rusisë më 23 shtator në Algjeri, ku do të diskutohen kuotat e prodhimit, pasi të hyjnë në fuqi sanksionet amerikane ndaj Iranit në datën 4 nëntor.

Ndërkohë, referuar të dhënave në SHBA, rezervat e naftës bruto u rritën me 1.2 milionë fuçi, gjatë javës që u mbyll më 14 shtator, në totalin e 397.1 milionë fuçive.

Lidion Kulla/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.