Nga pronat te përmbarimi e falimenti! 13 shërbimet e reja që ofrohen on-line nga Ministria e Drejtësisë që nga 1 janari  

Ministria e Drejtësisë informon se prej datës 1 janar 2020 janë 13 shërbime kyçe që ofrohen online përmes platformës unike e-albania.

Në listën e shërbimeve për të cilat nuk është më nevoja e paraqitjes në sportel janë aplikimet për pronat, falimentin, përmbarimin etj.

Më poshtë shërbimet online që po ofrohen përmes portalit e-Albania:

1. Aplikim për ekspert gjykate;
2. Vërtetim si ekspert gjykate;
3. Vlerësim i eksperteve në gjykata.

Drejtoria e Përgjithshme e Burgjeve:

1. Vërtetim i gjendjes gjyqësore (dëshmi penaliteti);
2. Vërtetim i hyrje-daljes nga burgu (dënimi);
3. Vërtetim i periudhës së burgut.

Agjencia e Kombëtare e Falimentimit:

1. Aplikim për licencimin e administratorëve të falimentimit;
2. Aplikim për rinovimin e licencës së administratorëve të falimentimit.

Drejtoria e Përgjithshme e Përmbarimit:

1. Aplikim për vërtetim të detyrimeve përmbarimore.

Agjencia e Trajtimit të Pronave:

1. Aplikim për statusin dhe problematikat e shqyrtimit të dosjes;
2. Ankesë dhe trajtim i dosjes me specialistin përkatës pranë ATP-së.

Prej datës 15 janar 2020 Qendra e Botimeve Zyrtare do të ofrojë gjithashtu 2 shërbime në e-albania:

1. Shitje online të botimeve te QBZ-së;
2. Abonimet vjetore mbi botimet e QBZ-së.

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.