Nikolin Jaka, në  ‘Argument’- ”Shqipëria nuk ka dalë asnjëherë nga kriza politike -Stabiliteti politik në vend ka rezistuar jo më shumë se 1 vit”

Të enjten në mbrëmje, për të diskutuar se kush po vuan nga kriza politike, pjesë e panelit ishte dhe kryetari i dhomës së tregtisë , Nikolin Jaka. Sigurisht që  ‘’viktima’’ kryesore, nga kriza politike, sipas Jakës, është biznesi. Ndaj për ti ardhur në ndihmë atij, u organizua dhe për këtë vit ‘Panairi i Punës’, ku qëllimin kryesor kishte intershipin, si një risi dhe mundësi shumë e mirë  për studentët por edhe për bizneset, të cilët vuajnë për staf cilësor. Një nga shqetësimet e tjera, të biznesit, që nuk mund të zgjidhej nga panairi, por vetëm nga qeveria, është heqja e taksës për lëndët e para.

‘’ Për fat të keq, ne nuk kemi dalë asnjëherë nga kriza politike, pasi stabiliteti politik në vend ka rezistuar jo më shumë se 1 vit. Aty ku ligji nuk funksionon, ku konkurenca është  e dështuar, biznesi e ka të pamundur të ketë jetëgjatësi. Në qoftë se ne kërkojmë qasjen e investitorëve të huaj por dhe vendas, duhet t’i garantojmë atyre, minimalisht stabilitetin poltik.’’- është  shprehur kreu i dhomë s së  tregtisë .

Sa i takon, integrimit në Bashkimin Europian, Jaka ka theksuar se deri më sot të gjitha qeveritë e kanë pasur qëllim në vetvete integrimin, duke e shitur këtë gjë si një arritje të jashtëzakonshme, ndërkohë që qytetarëve u mungojnë gjërat bazike.

‘’ Vetëm kur qytetarët të jenë të plotësuar nga këto nevoja, mund të integrohemi vërtetë në BE, pasi në të  kundërt do integrohemi me shumë plagë të hapura’’- është shprehur Nikolin Jaka, në  ‘Argument’.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.