Nis shkolla për rreth 386 mijë nxënës – Soreca: Së shpejti hapen negociatat, ju jeni e ardhmja
Rreth 386 mijë nxënës në të gjithë vendin kanë nisur vitin e ri shkollor 2019-2020, ku 24 mijë prej tyre ulen për herë të parë në bankat e shkollës, 272 mijë janë pjesë e sistemit 9-vjeçar dhe 90 mijë do të ndjekin gjimnazin. Gjimnazi “Petro Nini Luarasi” e nisi këtë vit shkollor duke festuar 60-vjetorin e themelimit të tij, ku i pranishëm ishte edhe ambasadori i Bashkimit Europian në Tiranë, Luigi Soreca, i cili dha lajmin e mirë se shumë shpejt pritet të hapen negociatat për Shqipërinë.
Drejtoresha Teuta Bracaj përmendi me detaje kontributin e këtij gjimnazi në arsim dhe në nxjerrjen e brezave të suksesshëm në jetë.
Ndërkaq, policia rrugore e Tiranës ka hartuar një plan veprimi me detyra specifike, në lidhje me menaxhimin e trafikut dhe rritjen e sigurisë rrugore pranë shkollave e institucioneve të tjera arsimore.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.