Një kompani teknologjike do të vendosë në duart e 50 punonjësve një mikroçip identifikimi
Si ndiheni në kompaninë për të cilën punoni? A keni besimin e mjaftueshëm për t’i lënë ata që të vënë një mikroçip në trupin tuaj?
Kjo është pikërisht ajo që po bëjnë pesëdhjetë punonjës të një kompanie teknologjike amerikane.
Madhësia e mikroçipit është afërsisht sa një kokrrizë orizi. Ky impiant që do të vendoset në duart e punonjësve do përdor Teknologjinë e Identifikimit të Radio Frekuencave (RIFD) për të transferuar informacionet. Do të vendoset midis gishtit të madh dhe atij tregues.
Me përdorimin e teknologjisë (RFID) punonjësit nëpërmjet mikroçipit mund të hapin derën e zyrës, të paguajnë për pijet që mund të marrin në dhomën e pushimit të kompanisë si dhe te ruajnë informacionet mjekësore/shëndetësore.
“Kjo teknologji do të bëhet “masive” duke ju lejuar që ta përdorni si pasaportën tuaj, duke e përdorur në vende publike apo edhe në çdo blerje që mund të bëni”, tha Todd Westby, shefi ekzekutiv i kompanisë.
Pajisja e së ardhmes në trupin e punonjësve të kompanisë nuk është e detyrueshme dhe secili që do ta ketë këtë pajisje do të paguajë shumën prej 300 dollarësh.
50 impiantet e para do të vendosen më 12 Gusht.
Përgatiti: Ylber Shehu/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.