Organizuan grumbullime të paligjshme – Policia procedon penalisht 6 shtetas
Specialistët për Hetimin e Krimeve në Komisariatin e Policisë Divjakë proceduan penalisht 6 shtetas të cilët organizuan grumbullime të paligjshme në kundërshtim me masat e nxjerra nga organet shtetërore në gjendjen aktuale të epidemisë COVID-19.
Sipas njoftimit të Policisë shtetasit e proceduar janë:
E. S., 32 vjeç, banues në Tiranë, sekretar i Burimeve Njerëzore pranë Partisë Demokratike;
M. S., 31 vjeç, banues në Berat, këshilltar pranë Partisë Demokratike;
J. Gj., 40 vjeç, banues në Divjakë, kryetar i Partisë Demokratike , dega Divjakë;
E. H., 39 vjeç, banues në Divjakë, shitës perimesh;
R. H., 33 vjeç, banues në Divjakë, shitës perimesh;
A. J, 50 vjeç, banues në Divjakë, fermer;
Policia bën me dije se ditën e premte, shtetasit E. S., M. S. dhe J. Gj., në rolin e organizatorëve, kanë shkuar pranë pikës së grumbullimit të perimeve në fshatin Mizë, Divjakë dhe kanë grumbulluar fermerë dhe banorë të zonës, duke mos zbatuar Aktin Normativ Nr. 3, datë 15.03.2020 i ndryshuar, si dhe ndryshimet e Kodit Penal të nxjerra nga organet shtetërore në gjendjen aktuale të epidemisë COVID-19.
Materialet i kaluan Prokurorisë pranë Gjykatës së Shkallës së Parë Lushnjë, për veprën penale “Moszbatimi i masave të autoriteteve shtetërore gjatë gjendjes së masave të jashtëzakonshme apo gjatë gjendjes së epidemisë”, në ngarkim të shtetasve të lart-përmendur, të cilët po hetohen në gjendje të lirë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.