OSHEE s’ndal blerjet e energjisë-Hap procedurë për janarin, kërkon të blejë 80 mijë MWh

Pavarësisht se reshjet e javës së kaluar përmirësuar situatën hidrike në Kaskadën e  lumit Drin, duke rritur prodhimin e  energjisë Operatori i Shpërndarjes së Energjisë Elektrike ka hapur procedurën e  radhës për blerje energjie, me qëllim plotësimin e  nevojave konsumatore përgjatë periudhës 1-9 janar.

Referuar procedurës së shpallur, OSHEE kërkon të  blejë rreth 80 mijë Mwh energji, ndërkohë që referuar çmimeve mesatare me të cilin ky dikaster e ka blerë energjinë gjatë muajve të fundit fatura pritet të arrijë në mbi 6 mln euro.

Viti 2019 ka qenë i vështirë për operatorin e shpërndarjes për shkak të thatësirës së tejzgjatur, çka ka sjellë që për 11-mujorin fatura të shkonte në 163.5 milion euro.

Rritja e blerjeve të energjisë, ka detyruar Operatorin e Shpërndarjes së Energjisë Elektirke të kërkojë për herë të tretë ndryshime në afatet e likujdimit të faturave të blerjes së energjisë, ndërkohë që tashmë Enti Rregullator i Energjisë ka nisur procedurat për shqyrtimin e saj, teksa një pjesë e tregëtarëve kanë kundërshtuar zgjatjen e këtij afati.

Ola Mitre/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.