Parashikimi i motit/ SHMU: Masa ajrore të paqëndrueshme do të depërtojnë të gjithë vendin
Shërbimi Meteorologjik Ushtarak njofton se duke filluar nga dita e nesërme mbi vendin tonë do depërtojnë gradualisht masa ajrore të paqëndrueshme me origjinë veriperëndimore.
Sipas informacionit moti parashikohet me alternime kthjellimesh e vranësirash mesatare dhe hera-herës të dendura ndërsa në zonën e veriperëndimit dhe jugperëndimit vranësirat do të shoqërohen me reshje shiu me intensitet të ulët e shtrëngata lokale.
SHMU informon se era do të fryjë me drejtim kryesor nga kuadrati i jugut dhe shpejtësi mesatare 1 deri 5m/sek, ndërsa përgjatë vijës bregdetare dhe zonat luginore era fiton shpejtësi deri në 8 m/sek shoqëruar me valëzim në dete të forcës 1-2 ballë.
Temperaturat parashikohen:
- në zonat malore 4°C deri në 18°C
- në zonat e ulëta 7°C deri në 23°C
- në zonat bregdetare 10°C deri në 23°C.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.