Pasiguria Brexit, ‘fuqizon’ Dublinin – Coinbase e përzgjedh si vendin ku do të hapë selinë e dytë në Europë

Coinbase Inc, një nga operatorët më të mëdhenj të kriptovalutave në Shtetet e Bashkuara të Amerikës, po zgjeron praninë e saj europiane me hapjen e një zyre të re në Dublin, pasi pasiguria e Brexit vazhdon të shtyjë kompanitë që të ndërmarrin plane të paparashikuara.

“Ekipi i Dublinit do të plotësojë funksionet e Coinbase në Londër dhe do të kryejë një sërë funksionesh të reja të lidhura me biznesin”, tha kompania përmes një postimi.

Ndërkohë, Londra do të mbetet selia europiane e kompanisë. Kjo e fundit tha  se konsumatorët e saj në Bashkimin Europian u rritën më shpejt se në çdo treg tjetër vitin e kaluar.

Kapitali i Irlandës ka treguar gatishmëri për të nxitur një skemë të re të kriptovalutave, pasi qytetet e tjera europiane mbeten ende të tërhequr kur është fjala për rregullimin e tregut dixhital të monedhës.

Komisionerët e të ardhurave të vendit lëshuan udhëzime tatimore mbi transaksionet në maj për të shmangur pyetjet e bizneseve dhe individëve. Ndërsa pasiguria e Brexit afrohet mbi firmat me qendër në Londër, Dublini e ka pozicionuar veten si një alternativë e mundshme për ‘operacionet’ europiane.

Zeeshan Feroz, shefi ekzekutiv i Coinbase në Mbretërinë e Bashkuar, tha se ‘kur u shqyrtua vendodhja e zyrës së dytë europiane, Dublini ishte zgjedhja e qartë, është një shtet anëtar i BE-së që flet anglisht dhe mbështet inovacionin teknologjik.’

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.