Pasojat e skandalit të Volkswagen. Konsumatorët e ndikuar mund t’a padisin tek gjykatat kombëtare

Konsumatorët në Bashkimin Europian mund të padisin Volkswagen në gjykatat kombëtare, nëse kanë blerë makina me pajisje të fshehjes së ndotjes, sipas Gjykatës së Drejtësisë së Bashkimit Europian.   Vendimi  nga gjykata më e lartë e Bashkimit Europian rrit mundësinë që kompania gjermane të përballet me akuza ligjore në masë nga konsumatorët europianë.  Rasti u paraqit pasi një gjykatë austriake që trajtoi padinë e një shoqate të konsumatorëve që përfaqësonte 574 pronarë të makinave me defekt, ishte përpjekur të zbulonte nëse kishte juridiksion mbi çështjen.

Gjykata e Drejtësisë bëri të ditur se nën ligjet e Bashkimit Europian, aplikantët, në parim, duhet të padisin në vendin origjin të të akuzuarit. Megjithatë,  në rastet e kundravajtjeve, ekziston mundësia e veprimeve ligjore në vendin ku ka ndodhur dëmi.  Gjykata e BE deklaroi se dëmi ka ndodhur vetëm në kohën kur makinat janë blerë, pasi transaksioni ka ndodhur me një çmim sipër vlerës së tyre të vërtetë.  Shoqata austriake e konsumatorëve kërkon kompensim për diferencën mes çmimit që kanë paguar konsumatorët  dhe vlerës së vërtetë të makinave të manipuluara.

Volkswagen ka pranuar në vitin 2015 se ka përdorur një software të jashtëligjshëm për të mashtruar testet e ndotjes së motorave me naftë në SHBA, një skandal që i ka kushtuar mbi 30 miliardë dollar në kompensime, gjoba dhe provigjione. Thuajse të gjithë pronarët amerikanë të makinave të ndikuara, ranë dakord të marrin pjesë në shlyerjen prej 25 miliardë dollar në vitin 2016.

SCAN 

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.