Plani i veprimit për të rinjtë – Realizimi vetëm 21%. Kolgega: Pengesë fondet dhe mungesa e ligjit
Buxheti për të rinjtë në Ministrinë e Arsimit nuk është i mjaftueshëm për të realizuar planin e veprimit i cili deri më tani është realizuar vetëm 21%. Organizatat Rinore, të thirrura në komisionin parlamentar të shëndetësisë iu drejtuan përfaqësuesve të ministrisë me disa kërkesa ndër të cilat ajo për kartën e studentit, rritje të buxhetit për të rinjtë në MASR si edhe krijimi i një ligji për të rinjtë.
Pamjaftueshmëria e buxhetit është pranuar edhe nga zv.ministri Shpat Kolgega i cili premtoi se vitin e ardhshëm ky buxhet do të rritet. Kolgegea theksoi se për mosrealizimin e planit të veprimit ka ndikuar edhe mungesa e ligjit për të rinjtë duke bërë të ditur se janë ngritur grupet e punës për krijimin e tij .
Buxheti i MASR për të rinjtë këtë vit kap vlerën prej 522 milion lekësh ku vetëm 48 milion shkon për rininë pjesa tjetër për sportin.
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.