Popullorët përjashtojnë “Fidesz” – Nuk do të marrë pjesë në zgjedhjet parlamentare

Anëtarësia e partisë hungareze Fidesz është pezulluar, pas një votimi në Asamblenë Politike të Partisë Popullore Europiane, me 190 vota por dhe 3 kundër. Pezullimi  do të ndalojë Fidesz që të marrë pjesë në takime të partisë, do t’i heqë të drejtën e votimit apo të drejtën për të propozuar kandidatë për poste. Presidenti i Partisë Popullore Europiane, Joseph Daul, tha se çdo anëtar duhet “t’i bindet parimeve që na bashkojnë.”

“Sot, demokracia ka folur. Ne votuam për të pezulluar Fidesz, deri sa të lajmërohet ndryshe. Ky vendim nuk ishte i lehtë.  Si parti që përfaqëson shumë suksese europiane, ne duhet të qëndrojmë një shembull për të gjitha partitë anëtare.  Nuk mund të bëjmë dot kompromis me demokracinë, sundimin e ligjit, lirinë e fjalës, akademike apo të drejtat e minoriteteve. Retorika anti-BE është e papranueshme.”

Një Komisioni i Vlerësimit i përbërë nga 3 politikanë do të monitorojë zbatimin e kushteve të rëna dakord nga Fidesz. Kryeministri Viktor Orban, e cilësoi debatin si tejet interesant dhe konstruktiv.

“Partia Popullore Europiane ka bërë vendimin e duhur sot, për shkak se ka ruajtur unitetin. Partia kishte të drejtë, pasi grupimi do të mundet tashmë që të trajtojë fushatën e zgjedhjeve parlamentare në Europë si një njësi kohezive dhe për shkak se Fidesz mund të vazhdonte mbështetjen e Manfred Weber  si kandidat kryesor.”

Sipas Orban, Fidesz dhe Partia Popullore Europiane nuk kanë ndërprerë marrëdhëniet dhe se do të kenë mundësi të bashkëpunojnë pas zgjedhjeve. Orban tha se e ardhmja e partisë ishte vënë në dyshim gjatë kohëve të fundit,  ç’ka solli debatin e ditës së Mërkurë.  Ai  e quajti një sipërmarrje të guximshme, duke theksuar se përbëhet nga një grupim që varion nga liberalët e majtë e deri te konservatorët e djathtë si Fidesz.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.