Pretendonte se injektonte vaksina antiCovid për të dhënë GreenPass – Denoncohet mjekja italiane
Një mjeke kujdestare në qendrën e vaksinimit në Lurate Caccivio (Como), u denoncua në Prokurorinë Publike, sepse ajo pretendonte se i vaksinonte disa pacientë pa i injektuar medikamentin, por duke i bërë ata të vaksinoheshin dhe u jepte Green pass.
Ankesa erdhi nga kooperativa mjekësore që merret me menaxhimin e qendrës dhe administrimin e vaksinimit: nga sa mësohej mjekja, e panjohur për kooperativën, kishte propozuar vaksinimin e një grupi pacientësh të brishtë të ndjekur nga ajo, të ardhur nga vende të ndryshme pjesë të Lombardisë.
Pasi mori lejen nga Ats Insubria dhe kredencialet e nevojshme, mjekes iu paraqit një listë me rreth njëzet persona që do të vaksinoheshin. Pasditen e sotme ajo duhet të kishte dhënë doza të dyta, por qëndrimi i saj bëri të dyshonin kolegët e saj, të cilët e vëzhguan dhe kërkuan ndërhyrjen e karabinierëve, të cilët i ndërprenë aktivitetin.
Në praktikë, mjekja pretendonte se e bënte vaksinën duke e injektuar dozën, tashmë në shishkë, në pambukun hidrofil. Kur mjeku përgjegjës i kooperativës zuri vendin e mjekut për të vazhduar vaksinat, pacientët e prenotuar u larguan.
Dyshimi është se pas ka pasur një organizatë që synonte të merrte me mashtrim Green Pass: do të jenë hetimet tani për të sqaruar nëse dyshimi është i bazuar. ANSA
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.