Prezantohet “Tesla 3” – Makina e re elektrike do të kushtojë $35 mijë, më e lira në treg

Modeli i ri i makinës së shumëpritur, Tesla 3, më në fund është prezantuar për publikun këtë të Premte. Prezantimi i kësaj veture elektrike,  ishte shtyrë disa herë, për arsye nga më të ndryshmet.

Makina elektrike me katër dyer është kritike për suksesin e Teslas së Elon Musk, një prej kompanive që ka pësuar rritjen më të madhe gjatë viteve të fundit, vetëm falë besimit të themeluesit të saj në teknologjinë e re.

Tesla është e para makinë elektrike që ka hyrë në treg me masivitet dhe është më e lira ndër rivalët.

Modeli 3 i Teslas, i sapo prezantuar do të ketë një çmim prej 35 mijë dollarësh, pra thuajse sa gjysma e modelit 5 që u prezantua në fillim të 2016-ës.

Pak muaj më parë, Tesla shprehej se për modelin 3 ka pasur 500 mijë rezervime paraprake, çka do të thotë se mund të ketë shitje kolosale.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.