Pse media të ndryshme raportojnë rezultate të ndryshme mbi garën presidenciale në SHBA?

Ndërsa zgjedhjet në SHBA po arrijnë përfundimin e tyre, një nga fushat e konfuzionit është se pse media të ndryshme po raportojnë rezultate të ndryshme për votat elektorale.

Presidenti në SHBA zgjidhet duke fituar të paktën 270 vota të kolegjit elektoral, dhe jo sipas rezultatit të votës popullore. Për shkak se nuk ka një sistem të centralizuar zgjedhor federal, është bërë traditë në SHBA që “tryezat e vendimeve” në organizatat e medias të shpallin një shtet të fituar nga një kandidat kur numërohen mjaftueshëm vota që matematikisht e bëjnë të pamundur kthimin e rezultatit nga kundërshtarit. Shtetet që kanë një diferencë të vogël votash megjithatë, të tilla si Nevada dhe Georgia për momentin, qëndrojnë në ekuilibër derisa ekspertët e vendosur në organizatat mediatike vendosin për apo kundër një kandidati.

Guardian përdor të dhënat e mbledhura dhe të analizuara nga agjencia e lajmeve Associated Press (AP) si burim për kohën kur shpallen rezultatet e zgjedhjeve. Ekzistojnë një numër tryezash të tjera me shumë reputacion të vendimeve zgjedhore në mediat amerikane, duke përfshirë NBC, Fox News dhe të tjerët. Ata mund të thërrasin gara më herët ose më vonë se AP. Rrjetet amerikane padyshim që përdorin vendimet e tyre – kanalet e tjera ndërkohë mund të zgjedhin të ndjekin një, ose të presin që dy tryeza të vendosin njëzëri për një shtet para se të raportojnë rezultatin.

Kështu, rezultate të ndryshme raportohet në media të ndryshme, në varësi të mënyrës se si ato zgjedhin të shpallin rezultatin. Nëse një media pret për disa burime njëkohësisht, atëherë rezultati i saj do të jetë i ndryshëm nga ajo media që konfirmon rezultatit vetëm nga një burim.

D.B – SCAN
Burimi: The Guardian

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.