Reshje me intensitet të lartë dhe temperatura të ulëta – ARRSH njofton mbi gjendjen e akseve kombëtare
Autoriteti Rrugor Shqiptar si pasojë e reshjeve me intensitet të lartë shoqëruar me temperatura të ulëta ka publikuar sot situatën aktuale të të gjitha akseve kryesore kombëtare.
Sipas njoftimit kontraktorët kanë bërë shpërndarjen e kripës dhe pastrimin e të gjitha akseve, si në:
-Dedaj-Razëm-Bogë, Qafë Mali-Fierzë, Kuben Vasije, Tammare-Shkodër, Burrel-Klos-Peshkopi, Kukë-Has, Përrenjas-Kapshticë, ku qarkullimi vazhdon normalisht.
-Në akset Korçë-Qafë Qarri, Korçë-Dardhë, në pjesën fundore të aksit Krujë-Sarisalltik me gjatësi prej 2 km rekomandohen goma dimërore dhe përdoruesit e mjeteve të pajisen me zinxhirë gjatë natës dhe në orët e para të mëngjesit për shkak të ngricave. Vazhdon puna me mjete borë pastruese.
-Në akset e Dajtit, Qafë Priskë- Qafë Mollë rekomandohet kalimi me zinxhirë, pasi ka prezencë të ngricave në disa vende.
ARRSH u bën thirrje drejtuesve të mjeteve të tregohen të kujdesshëm, të reduktojnë̈ shpejtësinë̈, të respektojnë̈ sinjalistikën rrugore, të pajisen me goma dimërore dhe zinxhirë̈.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.