Rikthehet “I Pazakonti” në SCAN – Ekipi i pazakontë shqiptar që ka prodhuar makinën e rrallë në botë
Emisioni “I Pazakonti” nga Jenida Vladi është rikthyer këtë sezon me një puntatë kushtuar një sporti ekstrem në Shqipëri; shumë të preferuar, por nga ana tjetër pak të njohur sa i takon “prapaskenave”.
“Schatzi Racing Team”, me pilotin Renti Sina, 11 herë fitues të Rally Albania, ishin pjesë e “I pazakonti” për të shfaqur te ndjekësit përgatitjen strikte që kryhet për garat dhe angazhimin serioz.
Nga ana tjetër, emisioni nxorri në pah një anë tjetër të ekipit të Schatz-it, për të treguar se pasioni për makinat shkon përtej shpejtësisë, si në rastin e makinës 6×6, një makinë me 3 diferencialë dhe 6 rrota aktive, e cila kushton dhjetëra mijëra euro dhe një ekip inxhinierësh dhe mekanikësh për realizim.
Në Shqipëri ekzistojnë vetëm dy të tilla, e para e krijuar nga një grup mekanikësh dhe inxhinierësh, ndërsa e dyta me pajisje të vjetra dhe e prodhuar autodidakt nga pilotët e Schatz-it.
“I pazakonti” transmetohet çdo të shtunë, ora 20:00 në SCAN.
Linkun e emisionit të plotë e gjeni duke klikuar më poshtë:
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.