Rishikohet tatim-fitimi dhe TAP – Këshilli i Investimeve, Ibrahimaj: Paketë ndryshimesh në favor të klimës së biznesit

Ministria e Financave në bashkëpunim me Fondin Monetar Ndërkombëtar kanë rishikuar ligjin për tatimfitimin dhe të ardhurat personale, dhe së shpejti drafti do të publikohet për konsultim. Ministrja Delina Ibrahimaj ka mbledhur  për here të parë këtë vit Këshillin e Investimeve, ku theksoi se do të ndërhyhet në legjislacion me qëllim përmirësimin e klimës së biznesit dhe të investimeve.

Po ashtu, do të rishikohen të gjitha përjashtimet e bëra përmes paketave fiskale, të cilat nuk kanë rezultuar efektive.

Biznesi ka depozituar 194 rekomandime pranë Ministrisë së Financave sa i takon ndërhyjeve në fusha të ndryshme të ekonomisë, ndërsa kjo e fundit ka identifikuar 27 tema më kryesore, ku do të përqendrohet vëmendja.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.