Rruga e ambasadës ruse në kryeqytetin e Lituanisë, do të quhet “Rruga e Heronjve të Ukrainës”! – Edhe Praga i bashkohet nismës!
Kryebashkiaku i kryeqytetit të Lituanisë, Vilnius thotë se një rrugë që të çon në ambasadën ruse do të quhet “Rruga e Heronjve të Ukrainës” për të nderuar vendin pas pushtimit të Moskës.
Šimašius tha të enjten se autoritetet e Vilnius së shpejti do të përfundojnë ndryshimin zyrtar të emrit javën e ardhshme “në përputhje me ligjin”.
Ndërkohë për një nismë të ngjashme ka bërë thirrje edhe kryetari i një qarku në Pragë. Ondřej Kolář, një deputet nga partia TOP09, konfirmoi në Twitter se i ka kërkuar bashkisë së kryeqytetit çek të riemërtojë rrugën pranë Ambasadës Ruse.
Kolář kishte kërkuar gjithashtu që një urë aty pranë t’i vihej emri i një ushtari ukrainas, i cili thuhet se u vra ndërsa shkatërronte një urë pranë qytetit ukrainas Kherson, në një përpjekje për të ndaluar trupat ruse të përparonin.
Në vitin 2020, Praga kishte riemërtuar tashmë një shesh pranë Ambasadës Ruse me emrin Boris Nemtsov, një aktivist politik i vrarë në Moskë në vitin 2015. Vilnius dhe Washington DC kishin bërë më parë të njëjtën lëvizje.
Vitin e kaluar, vendeve të BE-së iu kërkua gjithashtu t’i bashkohen një fushate rumune për të riemërtuar rrugët jashtë ambasadave bjelloruse sipas gazetarit disident Roman Protasevich. EN
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.