Shkollat shqiptare, ndër më të ngarkuarat – Krahasimi me Europën sipas eurostat, jemi në vend të 4-t

Mesatarja e Bashkimit Europian në vitin 2018 flet për 13.6 nxënës për mësues në shkollat fillore. Shifra është në rënie krahasuar me vitin 2017, kur fiksohej në 14.3 nxënës për mësues. Po në vendin tonë sa është kjo shifër?

Sipas të dhënave zyrtare, për shkollat fillore publike, numërohen rreth 17.4 nxënës për mësues. Kjo normë e vendos Shqipërinë ndër vendet e para në Europë sa i përket mbingarkesës më të lartë, më mirë vetëm se Franca, Rumania dhe Çekia.

Kjo situatë del në pah në një kohë që situata e shkaktuar nga covid-19 e ka bërë distanicmin social kryefjalën e çdo lloj protokolli. Me një mbingarkesë të tillë, ndër më të lartat në Europë, mbajtja e distancës bëhet mjaft e vështirë për rrjedhojë. Në Europë, vendet me mbingarkesën më të ulët janë: Luksemburgu, me 9 nxënës për mësues, Greqia, me 9.2 nxënës për mësues dhe Polonia me 9.6.

Roel Korkuti / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.